Wednesday, June 10, 2020

නොහඬනු මැනවි මා සොහොන අබියස

Do not stand at my grave and weep 

මා මළ පසු
නොහඬන්න මා සොහොන අබියස 
නොවෙසෙමි එතැන මම, නොනිදමි..
හිඳිමි මම
හමා එන සුළං රැල්ලක
සුසිනිඳු හිම පියල්ලක
අහසින් වැටෙන වැසි පොදක
සහල් පැසෙනා කෙතක
හිමිදිරියක නිහඬතාවේ
සියොතුන් අතර පියාසැරියේ..
මම වෙමි දීප්තිමත්ම තරුව අහසේ
කැකුළ, පෙති දිගහරින රහසේ
හාත්පස පැතිරි නිහඬතාවේ වෙසෙමි මම
සියොතුන් ගයන ගීතයෙහි ගැයෙමි
ඔබට හමුවන
හැම ආදරණීය දෙයක් තුළම
මම වෙසෙමි 
මා මළ පසු
නොහඬන්න මා සොහොන අබියස 
නොවෙසෙමි එතැන මම
නොමියෙමි.

Translated by Hashan Randika Dias



No comments:

Post a Comment