ඔබ නික්මගොස් දහ වෙනි ශතවර්ෂය ද ගෙවී අවසන් විය..
සමහර ගීයක
පද පේළි අතර මැද
හුස්ම නවතින තැන් එළෙසම ය..
යන එන බොහෝ තැන් වල
ඔබ වැනිම තවත් අය
නිතර හමුවීම දැන් පුරුදු ය..
නාඳුනන පෙදෙසක
යම් නොදන්නා ලිපිනයක් ඇති තැන
නිතර නැතිවත් සොයමි ඉඳ හිට..
මාර්ග සළකුණු
නොතකා නගර මායිම් ගැන
වද දෙමි සිතියම් වලට..
ඒ තරම් හැඩ නැතත්
එක දිගට
කවි නම් ලියවෙයි අඩු නැතුව..
ඇත්තෙන්ම
කොයිතරම් කෙටි ද
හමුවීම
කොයිතරම් දිගු ද
වෙන්වීම...
No comments:
Post a Comment