කොයිතරම් සුන්දරද ඔබ
මෘදු සිනිඳු නළලතින්
නිදහසේ රූරා හැලෙන කළ
මනා සේ පීරූ කෙහෙරොද..
පමණටත් වඩා වැඩියෙන්
කෙටි ගවොමෙන්ද පහළත
නිරාවරණිත දණිස් යුගලය
දිස්නෙ දෙන කළ හිරු එළියේ
කහට ළා දම් පැහැයට...
වසන්තයෙ මඳ සුළඟේ
අහසක් සේම දිදුළන
ඒ නිල් පැහැති ඇඳුමට
කොයිතරම් හැඩ ද ඔබ...
සුදු පාට මල් පිපෙන
අරලියා ගස් රැසකි....
පිළිවෙලින් කපා දැමූ
හරිත පැහැ තණපිටියකි..
ඔබ සිටින තැන පින්තූරයේ...
හිස පැලැන්දූ සුදු මල ද
ඔබේ මදහාසයට
පරදිනා සැටියකි....
එහෙත් හිතවති
දෑස් යට අඳුරු පැහැතිව
ගිලී ගිය සියුම් රේඛාවද..
කැමරා ඇසට එපිටින්
හෙළනා නුඹේ හිස් බැල්මද...
මතුවී පෙනෙනු ඇයි
අන් හැමදෙයකටම වැඩියෙන්
ඒ පින්තූරයේ මට...
No comments:
Post a Comment