නියමකරගත් අහඹුවක්....

මෙතෙක් අප ආ මාවතේ

ඉදිරි මීටර සියය තුළ

හමුවන වැළමිට වංගුවෙන්

හැරී වෙන්වීමට නියමිතය නුඹ.

ඉන්පසුව මට උරුම

නගරබද මාවතේ

ඇවිදයාමට සිදුවනු ඇත මට.

නොයෙක ගම් දනව්

වන උයන් කෙත් වතු

ගංගා ඇළ දොළ 

පසුකරනු ඇත මම.

ඉක්බිති

බොහෝ දුර ඇවිද

විඩාවෙන් විඩාපත් වූ මොහොතක

එක්තරා නම නොදන්නා වීදියක

නැතිනම් අවන්හලක දුම්රියපළක

මහා සෙනඟක් මධ්‍යයේ 

අහම්බෙන් හමුවීමට නියමිතය

යළි වරක්

අප දෙදෙන