"අරුත සොයා යන්න. ජීවිතයේ දුක්බර ස්වභාවය සහ සිත තුළ හටගැනෙන අඳුරු හැඟීම් එකිනෙකින් වෙන් කර හඳුනාගන්න. පිටතට ගොස් ඇවිදින්න. එය උද්‍යානයක් හරහා සිදුවන ප්‍රේමණීය ඇවිදයාමක් විය යුතු නැත. වසන්තය සිය උපරිමත්වයට පැමිණ සිටින දිනය විය යුතු නොවන්නේ ය. මල් පිපී තිබීම ද, ඒ මල් සුවඳින් වාතලය පිරී ගොස් තිබීම ද, කාව්‍යමය වූ සුන්දරත්වයකින් පරිසරය සැරසී තිබීම ද අවැසි වන්නේ නැත. ඒ අතරතුර දී ඔබේ මනසට එදා මෙදාතුර කිසිවෙකුට සිදු නොවූ ආකාරයේ ජීවිත අභිරහස් අනාවරණයන් සිදුවීම අනිවාර්ය නොවේ. ඔබට, ඔබත් සමඟම ගතවයන කාලයෙහි ගුණාත්මකභාවය පිලිබඳව බිය වීමට අවැසි නැත. අරුතක් සොයාගන්න. එලෙස කිසිවක් සොයා නොගත්තද කම් නැත. නමුත් කාලයෙන් බිඳක් සොරාගෙන එය ඔබ වෙනුවෙන් නිදහස්ව ද නිර්ලෝභීව ද වැය කරන්න. ඒ වෙනුවෙන් හුදෙකලා වීම තෝරාගන්න. එය ඔබව සමාජ විරෝධියෙකු හෝ මුළු ලොවින්ම පිටස්තරයෙකු බවට පත්කරන්නේ නැත. නමුත් ඔබ නිදහස්ව හුස්මක් ගත යුතු ය. ඔබ ඔබලෙසම පැවතිය යුතු ය. "
No comments:
Post a Comment