නිරසයි මේ දවස, තෙත්බරයි, අඳුරුයි
ඇද හැලෙයි වරුසා, හමන සුළඟද රුදුරුයි,
ඇදී යයි මිදි වැළ, ඉපැරණි බිත්තිය දිගේ
හමා එන සුළං දහරේ, මැරුණු මිදි පත් ඇද හැලේ,
නිරසයි මේ දවස, අඳුරුයි.
නිරසයි මගෙ දිවිය, තෙත්බරයි, අඳුරුයි.
ඇද හැලෙයි වරුසා, හමන සුළඟද රුදුරුයි,
ඇදී යයි මගෙ සිතුම්, ඉපැරණි කාලය දිගේ,
තුරුණු විය මගෙ පැතුම්, හමන සුළඟේ ඇද හැලේ,
නිරසයි මේ දවස්, අඳුරුයි.
ඉවසනු මැනවි මා හද, නවත්වා ළතැවිලි,
වැහි වළාවලට ඔබ්බෙන්, සුදිලේය හිරු එළි,
නුඹට මෙන් කාහටත්, එකම ඉරණම එයයි,
ගෙවෙන හැම දිවියකටම, වැහි පොදක් ඇද හැලිය යුතුයි,
නිරස විය යුතුයි සමහර දවස්, අඳුරු විය යුතුයි.
"The Rainy Day" by Henry Wadsworth Longfellow ~
No comments:
Post a Comment