මේ දැන්

කැමැත්තෙන් එතුන කරවිල වැල

මිහිරිතම හාදු තවරද්දි කොපුල මත

කිසිම දවසක ඇහුවද කොහොඹ ගස

"ඔබ ඇත්තටම ආදරෙද මට? "

උදෑසන සීත පහසට

තණපියල්ලට තුරුළුවී හිඳ

ඉර ඇවිත් කකුලෙන් අදින කොට

"තව ටිකක් ඉන්න තිබුණ නම්"

හිතුනේ නැද්ද පිනි බිඳකට

ළපැත්තට හිස තියා විල උඩ

වැතිරී ඉන්න නෙළුම් පත යට

විල්දියට මුහුවුණ කඳුලක් 

දුටු කෙනෙක් ඉන්නෙ කොතැනද? 

ගිරි මුදුන උරහිස් අග

වැහි වළාකුළ ගිමන් අරින කොට

"මේ දැන්" මිස තව නමක්

තියනවද ප්‍රේමයට වුව.

2017/ 04 /06