සමාජෙ කියල කියන්නෙ මිනිස්සුන්ට මේ මේ අවස්ථාවල මෙන්න මෙහෙම හැසිරෙන්න ඕන කියල රෙඩිමේඩ් නීති රීති ගොඩක් හදල දීල තියන තැනක්. හැබැයි මේව පොත්පත්වල කොහෙවත් ලියල නැහැ. පන්ත සම්මත කරල කවුරුත් අණකරල නෑ. මේව ව්‍යවහාරයෙන්ම මිනිස්සු අතරෙන් එන සංස්කෘතිකවම උරුමවෙන දේවල්. නමුත් කෙනෙක් මේවට අනුගත නොවෙනකොට සමාජෙම ඒ මනුස්සය දිහා අමුතු ඇහැකින් බලන එකයි සිද්දවෙන්නෙ. පොඩ්ඩක් හිතන්න, විවාහ වුණු අළුත ගැහැනියකගෙ ස්වාමියා මිය යනව. නමුත් ඇය අඬන්නෙ නෑ. ඇයට ලොකුවට දුකක් දැනෙන බවක් පේන්න නෑ. ඉතින් සමාජයක් මේ වගෙ ගැහැනියක් දිහා බලන්නෙ කොහොමද. සංස්කෘතිය, සම්ප්‍රදාය, පවුල වගේ දේවල් වලට දැඩිව බැඳුනු ආසියාතික සමාජෙ අතුලෙ තත්ත්වය තවත් බරපතළයි. සම්ප්‍රදායට පිටින් හිතනව කියන්නෙ ඒ පුද්ග්ලය "පිස්සෙක්" බවට ලේබල් වෙන එක වළක්වන්න බෑ. හැබැයි මේ ගතානුගතිකත්වයෙ පීඩනයෙන් ගැලවෙන්න නම් මේ පිස්සුව අනිවාර්යයෙන් බාරගන්න වෙනව. Pagglait එහෙම සම්ප්‍රදාය සීමාවන් ඉක්මවා යන ගැහැනියකගෙ කතාවක්.
No comments:
Post a Comment