මට කියන්න.....

මට කියන්න

වැස්ස ගැන කුමක්ද හිතන්නෙ ඔබ?

සියොළඟ තෙමෙයි

ලෙඩ දුක් ගෙනෙයි

පහත් බිම් යටවී

වතුරෙන් පිරෙයි

ඒත් නැතුවත් බැහැ තමයි..

.

.

මට කියන්න

සුළඟ ගැන කුමක්ද හිතන්නෙ ඔබ?

කොහෙ ඉඳන් හමනවද

කොහේ යනවද කලබලෙන් මේ තරමට

කෙහෙරැළි අවුල් කරගෙන...

ඒත් මං ආසම

නම නොදන්නා මල් සුවඳ මුහු වෙනකොට 

.

.

එතකොට ගංගාව ගැන ?

??????????

.

.

සීතලම සීතට ගැලුවත්

උඩ පනින්නේ ඔය හැටි

ඉවුරු දරාගෙන ඉන්න තරමට

ඒ වුණත් උහුලාගන්න බැරිම දෙය

උස කන්දකින් ඇද වැටෙනකොට

දිය ඇල්ලෙ ගෝසාව

හොඳයි මට දැන් කියන්න.......

.

.

නවත්වන්න 

මහත්මිය...

ඇයි ඔය තරමට පැන?

මේ මාවතේ තව මඳක් දුර

විලෝ ගස් වැඩී ඇති හෙවණට

පෙනෙයි දුර තැනිතලාවේ

හිරු කිරණ වැටෙන ලස්සන..

එක් වරක්වත් දැක ගන්න ආසයි 

ඔබ සමඟ එය...