හැම කෙනෙකුටම තියනවා
තමාගෙම අඳුරක්..
ඇහුවොත් කියාවි ඔබට
ගිම්හානයෙත් මල් දරන
කුඩා මල් පඳුරක් ..
වැහි අන්ධකාරය මැද වුණත්
දේදුණු අඩ කවයකින්
හිනාවුන්නැද්ද අහසත්?
හෙට දවස ගැන යම් පැතුමක්
නිවි නිවී දල්වන තරුවකත්
පසුබිමෙන් ඇත්තෙ පැතිරුණු
රාත්‍රී කළුවරක්..
සියුම් වැලිකැටයකත්
රිදුම් ඇති බව මහමෙරක්
පෙන්වා දේවි ඔබට
හමුවුණොන් මුතු බෙල්ලෙක්...
කොයිකාට වුණත් තියනවා
තමාගෙම කියා අඳුරක්
ඇහුවොත් යම් දවසක
කියාවි ඔබහට
ගිම්හානයෙත් මල් දරන
කුඩා මල් පඳුරක් ..
No comments:
Post a Comment