මෝසම් සුළඟේ
උස සානු කඳුකර භූමි අතරේ
පාව එන හුදෙකලා මේකුළ
එපා වැසි වස්වන්න මේ බිමට...!
හුස්ම ගනු නොහැකියි
පොළෝ ගැඹුරෙන් නික්මෙන
අළුත් ළා දලුවලට...
පිපෙන්නට ඉඩ නැත
පුංචි කැකුළකට
පෙති විදා රිසි ලෙස....
බොහෝ දිගුවිය
හිම කැට ගෙනා හිම සමය
පමා විය අතු අගට
හසරැල් පළඳනා වසන්තය..
එබැවින් මේකුළ
නොහඬන්න තවත්
සලා හිරිකඩ..
ගෙන යන්න ඔය දිය බිඳු
මෝසම් සුළඟ සමඟින්
දුර ඈත රටකට..
වස්වන්න සිහිල් වැහි
ඉමක් නොපෙනෙන
ගිනියම්ම කතරකට
හුදෙකලා ගැඹුරු මුහුදකට....
එපා වැසි වස්වන්න
රුදු සීතලෙන් හිම මිදෙන
මේ බිමට...
No comments:
Post a Comment