රාත්‍රිය කලුවරට
තනිකමක් දැනෙනව ද?
මද සුළඟ මේ දැනුත්
සුවඳ ගෙන හමනව ද?
වාරුවට උරහිසක්
නැති අඩුව දැනෙනව ද?
තාරකාවෙන් තවත්
මග නොමග අහනව ද?
මල් නැතත් ඒ උයනෙ
ලිය මඩුලු එතෙනව ද?
කණාමැදිරින් රෑන
ඔහේ සැරිසරනව ද?
මගහැරී ගිය යමක්
උන් අදත් හොයනව ද?
මං නැතත් තවම ඔහෙ
හඳ එළිය වැටෙනව ද?
රැයේ කලුවර - නැතේ තනි කම
ReplyDeleteපිපේ ගිනිකණ - වැටෙන එළි වට
මද සුළං පොද - ගෙනෙන වා රළ
මුසුව ඇත්තෙද - පාසි මුඩු ගඳ
වාරු ගන්නට - උරහිසක් මොට
දෑත ඇත මට - හිස හොවන්නට
මග අසන්නට - තරු ඇවැසි නැත
හිස හැරුණු අත - වේය හරි මග
මල් වැරූ ලිය - මඩුලු උදුරා
ගිනි තබා අළු - වළ දමා ඇත
කණා මැදිරින් - සරා දස අත
සොයයි නැති වූ - එළිය කොයිබද
මිලින සඳ වත - අතු පතර සර
බිඳුනු හද හැඩ - මවයි ගෙමිදුල
තනි කමක් නැත - පාළුවක් නැත
තවම එහෙම ය - මුරණ්ඩුය මම
ඒක පුදුම මුරණ්ඩු කමක් නේ.......
Delete