බොහෝ සේ පොත පත කියවන ගැහැනිය සමග ප්‍රේමයෙන් නොබැඳෙන්න, ලිවීමෙහි යෙදෙන ගැහැනිය සමග ප්‍රේමයෙන් නොබැඳෙන්න, හැඟුම් මාත්‍රයන් ගැඹුරින් අත්විඳින ගැහැනිය සමග ප්‍රේමයෙන් නොබැඳෙන්න.
මනා සේ උගත්..ඉන්ද්‍රජාලික, උමතු ගැහැනිය සමග ප්‍රේමයෙන් නොබැඳෙන්න. සිතන ගැහැනිය සමග ප්‍රේමයෙන් නොබැඳෙන්න. තමන් දන්නා දේ පිළිබඳ නිවැරදි අවබෝධය ඇති, තමන් පිළිබඳවම විශ්වාස කරන මෙන්ම පියාසරන්නේ කෙලෙස දැයි දන්නා ගැහැනිය සමග ප්‍රේමයෙන් නොබැඳෙන්න. අනුරාගයේ හැසිරෙන කල සිනාසෙන හෝ හඬන. තම සිරුර තම ආත්මය කරගැනීමට දන්නා ගැහැනිය සමග ප්‍රේමයෙන් නොබැඳෙන්න.
කවියට පෙම් බඳින ඇයට ඇගේ පාඩුවේ හිඳින්නට ඉඩ හරින්න (ඔවුන් වැඩිපුර භයානකය) නැත්නම් සිතුවමක් අගය කරමින් අඩ පැයක් ගත කරන හෝ සංගීතයෙන් තොරව දිවි ගෙවීමට නොදන්නා ඇයට...
දේශපාලනය පිළිබද උනන්දු, කැරළිකාරී, අයුක්තිය අසාධාරණය හමුවේ දැඩිව කිපෙන ගැහැනිය සමග ප්‍රේමයෙන් නොබැඳෙන්න. රූපවාහිනිය දෙස ඔහේ බලා සිටීම ප්‍රිය නොකරන මෙන්ම ඇගේ මුහුණේ හෝ සිරුරේ හෝ හැඩතල කෙසේ පිහිටා තිබුණද සුන්දරත්වයෙන් යුත් ගැහැනිය සමග ප්‍රේමයෙන් නොබැඳෙන්න.
තියුණු මෙන්ම කෙළිලෝල, මනා දැනුමැති, නොදැමුණු ගැහැනිය සමග ප්‍රේමයෙන් නොබැඳෙන්න. මක්නිසාද, ඇය ඔබ සමග සිටියද නොසිටියද, ඇය පෙරළා ඔබට ආදරය කළ ද නොකළද, ඇය සමග බැඳුනු ප්‍රේමයෙන් ඔබට කිසිදා අත්මිදෙන්නට නොහැකිවන්නේය.
— Don't fall in love with a woman who reads by Martha Rivera-Garrido —
(Translated by me)
No comments:
Post a Comment