Thursday, February 10, 2022

මරණය! මට මිය යා නොහැක!

නවතින්න මොහොතක්..
මරණය! 
මට මිය යා නොහැක!
මගෙ සොඳුරු ජීවිතේ මේ
මෝදු වන්නේ වසත් සමයකි...
පැහැබර යෞවනේ මාගේ
ඇසෙන්නේ කොවුල් ගීයකි...

නවතින්න මොහොතක්..
මරණය! 
මට මිය යා නොහැක!
ඉටු නොවී මා හදේ පැතුමන්..
නොවිඳි සතුටකි සිතේ මාගේ..
නොගැයූ ගීතයකි මා මුවේ..
නොහෙළූ කඳුළකි මේ දෑසේ..

නවතින්න මොහොතක්..
පිරී ඉතිරෙන තුරු මා..
ප්‍රේමයෙන් සහ ශෝකයෙන්..
මේ මහා පොළොව මත
මේ විසල් අහස යට
මිහිරිතම මතකයන්ගෙන්..
පිරෙන තුරු මා 
නොපිරූ මිනිස් හැඟුමන්..
මරණය! 
මට මිය යා නොහැක!
.
.
.
- Sarojini Naidu කිවිඳිය ගේ The poet to death නම් පැදිය ඇසුරෙන්




No comments:

Post a Comment