Wednesday, December 8, 2021

The Poet Of Ignorance

සමහරවිට...
පෘථිවිය අවකාශයෙ ඔහේ පාවෙවී තියනව වෙන්න පුලුවන්,
ඒක මම දන්නෙ නැහැ...
සමහරවිට...
තරු කියන්නෙ සුවිසාල කතුරකින් කවුරු හරි අහස සිදුරු කළ තැන් වෙන්න පුලුවන්,
ඒක මම දන්නෙ නැහැ...
සමහරවිට...
හඳ කියන්නෙ මිදුණු ලොකු කඳුළු බින්දුවක් වෙන්න පුලුවන්,
ඒක මම දන්නෙ නැහැ...
සමහරවිට,
දෙවියන් කියන්නෙ බිහිරෙකුට ඇහුණ එක ගැඹුරු හඬක් විතරක් වෙන්න පුලුවන්,
ඒක මම දන්නෙ නැහැ...

සමහරවිට,
මම කවුරුවත් නොවෙන්න පුලුවන්..
ඇත්ත, ඒත් මට තියනව සිරුරක්.
ඒකෙන් පලායන්න බැහැ මට..
මම වඩාත් කැමතියි 
මගෙන් මිදිලා කොහේ හරි ඈතකට පියාඹල යන්න..
ඒ වුණත් ඒක නොවෙයි හැබෑම ගැටලුව..
ලියවිලා තියනව ඉරණම අනුව,
මම මේ මිනිස් සිරුරේ හිරවී සිටිය යුතු බව...
ඒ තමයි හැබෑම ගැටලුව..
මම කැමතියි මගෙ ගැටලුවට අවධානය යොමු කරන්න...

අමුතුම සතෙක් ඉන්නව මං ඇතුළෙ..
මගේ හදවත අඬුපඬුවලින් හිර කරන්
සුවිසාල කකුළුවෙක්....
සැත්කටු ඉඳිකටු තුඩු,
නොයෙක් විස වායුන් ගෙන් පහරදීල
දොස්තරවරුත් බොස්ටන් නගරයේ
අතැර දැම්මා අන්තිමේදී..
කකුලුවා ඉතුරුවුණා එතැනම..
ඌ මහ බරයි ඒ මදිවට..
මං උත්සාහ කලා ඌ අමතක කරලා
මගේ වැඩක් බලාගන්න..
කෑම උයන්න, පොත් දිග අරින්න වහන්න..
දත් මදින්න, සපත්තු ගැටගහන්න..
මම උත්සාහ කලා යාච්ඥා කරන්න..
ඒත් මම යාච්ඥා කරනකොට
තව තවත් දැඩි කරනවා කකුලුවා තමන්ගෙ ග්‍රහනය..
වේදනාව තවත් වැඩිවෙනවා එතකොට...

මේ කකුලුවා කියන්නේ
දෙවියන් ගැන මගේ තියන නොසැලකීම..
මම වතාවක් හීනෙන් දැක්කා එහෙම..
සමහරවිට...
හීනයක් වෙන්න පුලුවන් ඒක..
ඒත් හීන විශ්වාස කරන්න මම කවුද?
.
.
.

- ඇමරිකානු කිවිඳියක වන Anne Sexton ගේ The Poet Of Ignorance පැදිය ඇසුරෙන්



3 comments:

  1. කිවිඳිය ගැන පොඩි හැඳින්වීමකුත් එක්ක දැම්මනං හොඳයි. මාතෘකාවත් සිංහලෙන් තියනවනම් කියවන්නාට තේරුම්ගැනීම පහසුයි.

    ReplyDelete
    Replies
    1. වටිනා අදහසක්. බොහෝම ස්තූතියි..

      Delete