සිතමි නිතරම
සිතමි සිය දහස් වර
කොහේ කොතැනක
කුමක් කරමින් ඇත් ද
දැන් ඔබ..
මුමුණමින් ද
ගීතයක පද පෙළක්
මිහිරිම හඬින් ඔබේ
මා මත් කළ..
අර එකල
ආදරේ ඉතිරුණම දවස්වල
මිමිණුවා වගේ
මගේ සවනත..
කුරුටුගාමින් ද
කවි පෙළක්
බෝල අත් අකුරෙන්
සුදු පැහැ කඩදාසියක
පොතක පිටු අතර දැවටී
පොත් රාක්කේ කොණක
සැඟවයාමට නියමිත...
නැත්නම්
ලියමින් ද
නවකතාවක්
සිහින මැව්වා වගේ
ඒ දවස් වල..
ලියවී ඇත් ද
යම් දෙයක් එහි
ප්‍රේමයක් ගැන
බැඳී නොබැඳුන
නොබැඳී බැඳුන..
No comments:
Post a Comment