Wednesday, November 22, 2017

මල් පිපී අැත


නාලිනී...
ඇවිදින් ගියා වුණත් වසන්තය 
මල් පිපෙනවා තවමත් මෙතන ...

මොන ඉඩෝරෙකට වත්
නොහිඳෙන්න
පරිස්සම් කරගත්ත වතුර පොද
දිය පිරුණු උල්පතක් වී
නිවනවා පිපාසය..

බෙදා ගත් සුසුමකින්
හදවතේ ලිහුණු කවි පේලි
තැනින් තැන ඔහේ විසිකළ බව
පමණි මතකය..

"එන්න 
මල් පිපී තිබේදැයි 
බලන්න"
ලියා එවූ ලියමන
මුසුවීගියාද 
සුළඟට ..

නාලිනී 
අද හෙටම එන බවට
පණිවිඩයක් නාවට
නොයෙක  හැඩරුව
මල් පිපෙනවා 
තාමත් මෙතන..




No comments:

Post a Comment