සතර පෙර නිමිති

එදා ඔබ දුටු පරිදි

මහල්ලෙක් ද ගිලනෙක්

මළ මිනිසෙක් ද

පැවිදෙක්

නොවෙය අද පෙර නිමිති

සිදුහත් කුමරුනි.

ඉලක්කය බලා ළය මැදට

මුදාහැරි වෙඩි උණ්ඩෙකට

මියගිය මිනිසෙක්.

ජීවිතේ තරුණ විය

උරා හප කල වැනි

අත පය අහිමි සොයුරෙක්...

දුක් විඳින දනන් කර පිටින්

සැප බෙන්ස් රථයක නැගී

මහ මග වඩින "උතුමෙක්".....

ඔද වැඩී දෑ බැති පෙමින්

කඩු ගා දමනු පිණිස

රට දැය අහිත සතුරන්

කඩු ගලගාන හිමිනමක්

වේය අද දවස

මේ බිමට 

පෙර නිමිති.

2017/06/07