???????

එක මිටට අතට කර

වරාමල් අරගෙන යනකොට

අතරමඟ අතහැරෙන මල් දිහා

අපසු හැරී බලන්නට

මොහොතක්  නතර වෙනවද

කිසිම දවසක සුළඟ.....

ඔය තරම් දෙස් දෙවොල් තිබ්බත්

රාත්‍රී ඝන කළුවරට 

හඳ ගෙනත් දෙන්න පුලුවන්ද අහසට

පුංචි උලලේනෙකුගෙ තනියට

අමාවක ලැබුව දවසට....

එතෙර වෙන මගියෙකුව

ගෙනවිත් ඇරලුවත් තොටුපළට 

ගඟක් හැමදා උහුලගෙන ඉන්නවද නිහඬව

හබල් පාරක අනදර.....

ඒත් මගෙ මිතුර

කෑ ගගහ ඇඬුවත් දුම්රියක එංජිම

බිඳක් වත් උණු නොවෙන බව ඇත්තයි

රේල් පීල්ලක යකඩ හදවත...