Tuesday, August 8, 2017

රන් තැටියක කිරි පැණි මුසුකර 
ගෙනැවිත් දෙනු බැරිව තම පුතුනට
පියෙකු කියයි අග මුල පැටලුන
සුරංඟන කතාවක්....
හෙමිහිට නිදා වැටේ බිළිඳක්..

කැඩුණු ලිග්ගල් තුන උඩ
ළය ගින්දරෙන් ගිනි පත්තු කර
ඉදෙමින් තිබේ පොඩි පැල්පතක් තුල 
රස නැති බොජුනක්
නොඉවසිල්ලෙන් මුව අයා
බලා හිඳී දෙදෙනෙක්...

දින ගණන් වෙහෙසී මෙහෙ කොට
ලැබුන සුළු වැටුපෙන් සරි කර
පෙම්වතෙකු ගෙන යයි පෙම්වතියට
පෙති මිලින මල් කලඹක්
ලා රක්ත දෙතොලක
ඇඳේ සිනහ රේඛාවක් ....

දහස් ගණනක් සෙනඟ යන එන
කොළඹ කොටුවේ පාලම ලඟ
අන්ධ දරුවෙකු ගයයි
තාලෙන් බැහැරව ගීයක්
මදක් නතර වී එතැන 
බලාගෙන හිඳී ඔහු දෙස
එකම එක මිනිසෙක්..





No comments:

Post a Comment