වනස්පතිය

වැව් කණ්ඩිය ඉහත්තාවෙ 

බොරලු පාරෙ හන්දිය ලඟ 

මහ සරුවට වැඩී තිබුණ 

බදන්න බැරි වනස්පතිය

පිනවන දුටු දන සැම දෙන 

වැව ලඟ පිහිටුව කදිමට 

අතු පෙල විහිදා අහසට

හෙවණ දුන්න වනස්පතිය

ගිණියම් අව්වේ වෙහෙසෙන 

සහසක් ජනතාව ගිමන 

නිවා දැමුව මහ පොළවක 

නටබුන් පමණිය අද දින

වනස්පතිය තිබුණ පොළවෙ

කටු කම්බිද සිමෙන්ති කණු 

හෙවණ දෙන්නෙ කොයි කාහට 

කුරා කුහුඹුවන්ට පමණ..

දහසක් දුහුනන් වටවී 

වැව්කණ්ඩියෙ හන්දිය ලඟ 

මුල උදුරා බිම දමද්දි 

ඒ අගනා වනස්පතිය 

පොළව බදා වැලපෙන්නැති 

ඒ කඳුලෙන් 

වැව් දිය බොර පැහැ වෙන්නැති 

ඒ සුසුමන් 

වැව්තලයේ පාව ඇවිත් 

හුලඟ වෙලා හමනව ඇති...